Ellegance

This earrings are my favorite item so far! I've made them as a gift to my dear friend and ex-colleague Eli. I've made her very happy ;) The yarn is black cotton, with shiny strip wrought in it (produced by TETEKS-Tetovo), which gives this earrings an elegance. They fits best with knitted sweater, bolero..or whatever, or with a blouse in other material, but decorated with crocheted flower or crocheted scarf.... I can guess that they can look nicer even in brighter colors. I can't wait for many of them to be made :)
I have to say this: I have problems with putting pictures on my blog, actually I don't know how to put the text before the picture, or the text in between two pictures.....Please someone help me! :)

Овие обетки ми се сега Хит! Ги сплетов како поклон за мојата драга екс-колешка Ели. Многу ми беше мило што ја израдував. Конецот е Црн памук , со вплетена сјајна лентичка по средината (произведен од ТЕТЕКС-Тетово), што им дава убав елегантен сјај на овие обетки. Најубаво стојат со плетена блуза, или со горен дел во друг материјал-само украсен со плетено цветче или наметнат шал...или како сакате! Претпоставувам дека уште поубаво би изгледале во посветли бои. Едвај чекам да ги направам во повеќе бои :)
Морам да побарам помош од вас: Не се снаоѓам баш најдобро со поставувањето слики на блогов, како да го ставам текстот пред сликата, или помеѓу две слики! ве молам помагајте :)

Nataly's craft book

Еве неколку сликички!
За разлика од некои, денеска снегчето мене убаво ми дојде, и ми предизвика убави чуства. Едвај чекам да излезам надвор и да пропешачам и да се смрзнам малку :)))
Денеска посетив многу блогчиња кои ме наполнија со позитивна енергија. Сфатив дека креативноста е еден од подобрите начини да се избегне лошото чуство на депресија кога тоа ќе нападне, да са расположиш ако не си расположен, да се почуствуваш корисен кога си на работ да се расплачеш поради чуството на бескорисност..... итн итн....
А бидејќи кога сме нерасположени, тешко избива нешто крестивно од нас, јас денес почнав да ги запишувам своите идеи. Си направив една NATALY CRAFT BOOK и ќе си ја носам секаде со мене.
Ви посакувам убав викенд,
Н.

Fine arts

Овој блог е посветен на мојата пасија кон плетењето :)

Најчесто слободното време го користам за плетење. Уште како малечка (многу малечка) на мои 10-11 години, обожував да стојам покрај баба ми и да ја гледам како плете :) и пиев со очи што прави со иглите и многу се радував кога ќе ја сфатев суштината на плетењето. Моите први сплетени парчиња беа фустанчињата за моите кукли и Барбики, за жал ги немам овековечено тие моменти на слика но секако ќе ги паметам вечно.
Имам една мана во плетењето, а тоа е одбивноста да плетам големи работи :) кои одземаат доста време за изработка...секогаш сакам што побрзо да има се израдувам на моите творевини.
Она што го плетам најчесто го подарувам на моите најблиски, пријатели, родители...а најмногу ме радува среќниот израв на нивните лица во моментот на воодушевување од тоа што сум го изработила. Тоа е најголемиот мотив за мене! :)))
Инспирација за мене најчесто се луѓето кои ме опкружуваат...секој од нив е приказна за себе, па така и нова приказна за моето следно дело. Сакам да сум искрена и затоа ќе кажам дека исто така црпам идеи од многуте интернет блогови на тема handmade, crochet, kniting....и слично.
Во иднина планирам да се зафатам сериозно со оваа работа, и се надевам дека наскоро во Македонија ќе биде овозможен интернет шопинг па ќе можам да продавам, да изработувам по нарачка и слично. Исто така овој блог ќе биде преведен на англиски јазик.
Секој ваш коментар позитивен или негативен е добредојден за мене, и ќе биде насочен кон подобрување на мојата работа, и со плетењето и со овој блог.

p.s. На сликата е мојата Кетушка и ги носи обетките што и ги подарив за 26-тиот роденден на 04,03,2009 :)))